Carolyn's profile(#)~Kaling~(*)~HaHa~(L)PhotosBlogListsMore  |  Tools Help |
|
April 11 臨近專四的日子唔經唔覺，今日已經係4月11號喇，專四就係下個禮拜日啦，好驚丫～～～點算丫？仲未溫好添嘎！！！唉！！！（依加唯有馬死落地行啦，死就死啦，哈哈！！！）
突然覺得好傷心，就係我今日不斷咁ring我死黨，佢竟然唔理我，好傷心丫～～～妳點可以唔理我嘎，我好傷心丫～～～（冇錯，就係話緊妳，係邊個心知肚明啦，快啲嚟同我自首丫）
都突然覺得自己好頽廢，專四就到都仲啲friend走去學pop jazz,唉，整到我li付老骨頭痛到暈，Oh,My God!!!冇跳舞咁多年依加去跳返真係折磨死我喇！！！而且仲好少睇書溫下習添，唉！！！上個禮拜班主任朱紅強俾我哋做05年嗰份試題，我竟然做唔完，死啦～～～點算丫？講真嗰句丫，難深字就唔多，不過係題量多咗啲咁。但係最慘就係我gramma，好唔掂丫！！！要加強先得喇！！！真係希望今次考試能夠順利通過啦！！！
唉，唔打咁多喇，依加俾啲蚊圍攻緊丫～～～以後都係唔好夜晚打喇，費事養蚊丫！！！
仲有，希望見到我li個spaces嘅同學仔嚟畱下言啦，妳哋都唔嚟畱言我好down丫！！！特別係某人丫！！！知冇？！等緊妳嘎！！！
March 18 星期五學做嘅翠玉金針（下）^^上完堂食飽飯後我就同小琴一齊上佢宿舍度搵小橋，同佢傾咗陣珠海嗰邊嘅問題就返咗房喇！！返到房後睇咗陣新買嘅食譜，于是決定學下入面嘅一個菜，所以就落興安買材料返房試整，買齊嘢後先發覺冇刨蘿蔔絲嘅刨，須知我係唔識揸刀嘅人，加上要切成絲狀我真係唔敢想象要用我幾多時間丫。但係我又想整li個菜啵，咪決定沖完涼之後行去西門嗰邊嘅街市嘅雜貨鋪度買刨絲用具喇。
倒霉事就發生係我去買刨時喇！話說我沖完涼後為咗偸懶就着咗對唔使着襪嘅高踭鞋喇，當我着住對鞋行到搖搖擺擺咁嘅時候，我居然一個唔小心踩咗落西門外面嗰間建行外嘅嘔心兼核突嘅邋遢水度，嘔～～～整到我成隻鞋抖邋遢埋，連條褲都濕咗，當時嘅感覺有咁嘔心得咁嘔心～>_<～
到我買到刨返到宿舍後就開始整我嘅翠玉金針喇！！^_^非常好味ne～～～雖然用咗我成兩三個鍾先整好，不過算好嘎喇，新手上路係要耐啲嘎喇，哈哈^_^不過整係幾好味丫嗰道菜，就連我同房都話好食，可憐嘅珠珠冇份啦，哈哈，鬼叫佢返咗鄉下咩，冇口福咯～～～係整嘅過程中發現咗啲錯誤，就係買嘅大白菜嘅葉唔夠大片，所以整唔道本書教嘅造型，但係經過一番改良之後都係整到啦，不過係由原本嘅ball狀整成四方形之嘛，但係造型都仲可以嘎，我仲專門用Chocolate嘅相機影咗落嚟添，訓醒後再放啲相上去啦！！！^_^本食譜教嘅菜都幾好味，以後得閑就試下整啦！^_^我打算訓醒後再整多次，今次一定要成功！！！再試整另一個菜，哈哈，我由口福咯～～～學成後返到屋企整俾阿爸阿媽試下先得！！！^_^正！Good！ 星期五學做嘅翠玉金針（上）^^我好似好耐都冇理過個spaces喇，哈哈，其實我唔係唔想理，而係我想整靚啲佢，譬如話係日記度添加背景啦，加多啲歌入去啦等等，但係我用咗幾日時間都係整唔好，真係激死我啦～～～～而li件事整到我不得不承認我係一個撤頭撤尾嘅電腦白癡，唉～～真係好唔想承認li個事實，有冇人可以幫到我丫？？？我好想整到我個spaces靚靚丫～～～Help~~~~
講返今日發生嘅事先啦，其實今日心情唔係幾好，可能係因為天氣問題掛，成日都好冇mood咁，上課又冇精神啵，今朝又有好多人冇去上堂，整到阿sir上課都冇精神，唉～～～後來我咪同阿sir講話可唔可以講星期五8點嘅柯調到星期二10點，佢話可以嘎，點不知當我同阿sir一齊去搵黃錦曼時就俾黃一句reject咗，話調唔到課室wo，整到阿sir當場冇聲出，唉，好似我哋li啲咁嘅small potato更加之冇嘢講啦～～～唯有放棄啦！！！其實 係人都知黃錦曼只不過係唔想行嚟行去幫我哋問有冇課室可以用之嘛，懶到嘔白泡，都唔知點做人老師嘅！！！
 調唔到課室唯有急急腳咁走去上P.E.啦，估唔到我有好似第一週咁發軟蹄，隻腳跳兩跳就軟，真係唔爭氣～～～可能係冇運動啦，所以就有咁嘅現象發生喇，以後都係多啲運動先得喇！！！
食完飯後返到房抖咗陣同上網check下e-mail，但係我想要嘅mail仲未到，唯有再等下啦！！！之後訓午覺時竟然發咗個恐怖嘅夢，我竟然夢件珠珠係度教歐豬瑩點樣着黑色嘅網狀絲襪，Oh, my God!!!嚇死我喇，跟住我就醒咗喇，哈哈！
下午去咗上Mr. Clark嘅堂，關于佢嘅事下次再講啦！！！總之就係無驚無險啦。
March 03 一升的眼淚～～～頭先終于睇完日劇《一升的眼淚》喇，我真係喊到停唔到丫～～～>_<～
點解亞也會咁慘？點解li 個世界上會有啲咁嘅事發生？？？亞也真係好堅強，但係堅強得嚟又另人不由自主咁喊出嚟，唉～～～
好中意男主角麻生遙鬥，好溫柔好體貼，真係好中意啲咁嘅男仔，嗯嗯！！！好善解人意丫佢～～～～～～勁中意佢！！！
^_^
心情好復雜，都唔知點形容好，總之，li部戲真係值得我哋去睇下，有機會嘅話我會再去睇多次嘅，不過唔會係近期，因為我唔想再傷心多幾次！
如果有機會嘅話我諗我會睇下li本書都唔定嘅！！！希望有咁嘅時間同機會啦！！！ December 19 一個好正嘅網站！！！^_^好耐都冇理我嘅blog喇，比起其他人嚟講真係有啲慚愧！！！皆因為近排嘅生活真係可以稱為醉生夢死啦，哈哈······
 因為近排真係太得閑喇，所以就成日咁對住部腦上網（我有去上堂嘎，唔去上嘅話就真係死定啦，我哋學院最講attendence嘎啦），居然俾我發現一個好正嘅網站，哈哈，li個網站就真係正到爆燈，有好多電影、電視劇同卡通，至啱我心意啦！！！li個係一個on line嘅網站，以後都唔使用BT download咯，哈哈！！！
各位用ADSL嘅朋友仔有興趣嘅話記得去睇下喇！！li個網站好smooth嘎！！
December 07 入冬啦～～～終于都入冬啦～～～最討厭li啲咁凍嘅天氣啦～～～整到我成日浄係度有得震冇得訓，激死我喇！每日早上根本就唔想起身返學，點解我哋班嘅堂都係朝朝八點堂丫？好痛苦丫～～～
 真係想每日都係暖暖嘅被入面度過每一日丫～～～～～～～～
哈哈，不過我依加又好期待星期四去菁菁屋企度打邊爐啦，好幸福丫，哇哈哈哈～～～～
尋日收到一個好激心嘅消息，就係我哋最後一日嘅考試竟然係1月11號，激死我啦！！！本來諗住係考試中度過我嘅生日嘎嘛，點不知我生日嗰日竟然係最後一日嘅考試，所有人考完都會即刻返屋企啦，仲點會留係度丫，唉！！！真係好討厭li間學校，好似下下 都同我作對咁，上年生日已經係考試中度過啦，但係都仲要俾人嚇到有得震冇得訓，仲差啲肥咗添！！！依加諗返轉頭真係唔知我自己點度過嘅！！！佩服佩服！！！ December 05 發呆·······星期六嗰日我終于下定決心去salon重新電過啲頭髮，需知要決定電唔電真係好難！因為好驚電衰咗跟住會變得好ugly，咁就大褒喇！！！
但係最後我都係去咗salon，為咗li個頭，我竟然係嗰度坐咗成四粒幾鍾，真係佩服自己有咁嘅忍耐力！！！漫長嘅四粒鍾真係坐到我腰酸背痛，又唔可以亂咁動真係考驗我嘅耐力，唉！！！不過好彩嗰間嘢嘅服務態度同品質都幾好，如果唔係就真係激死人啦！
電完之後啲friend都話冇電變，唉！！冇理由丫，啲頭髮明明卷咗好多嘎，而且仲短咗好多，點會話冇變呢？迷惑ing···
近排迷上咗Simple Plan同The Killers嘅歌，佢哋嘅歌真係好好聽丫！！！好中意佢哋丫，哈哈！！！^_^ December 01 大清潔聽講學校12月1號有人入房檢查房間嘅清潔情況，所以我今日好無奈咁將成個房搞咗個大清潔，真係好佩服我自己竟然可以一個人做哂所有嘢！！！唉，鬼叫今個禮拜輪到我打掃咩～～～
其實打掃li樣嘢都冇乜點嘅，搞下衛生咪仲好，不過最慘就係我張書臺同衣櫃咯，九百幾年冇整理過啦，今日真係整到我暈@_@單單係張書臺都整咗成粒幾兩粒鍾，唉，真係亂到嘔泡，不過依加已經整理好哂啦，哈哈，終于見到我張臺嘅真面目啦！成張臺突然多咗好多空位，感覺真係好唔一樣，^_^！！！
但係個衣櫃仲未整理好啊，好慘！！！浄係是但整咗整就算，遲啲先再整過佢啦！！！講真嗰句丫，學校提供嘅衣櫃真係好細啊～～～都唔夠擺我嘅衫，真係······
今日又整理書臺又整理衣櫃，跟住又掃地拖地同洗厠所，感覺好似返到高中時每個禮拜嘅大掃除，哈哈！！！li次係我返咗本部咁耐以嚟最勤力嘅一次啦，為咗li次大清潔連功課都冇做，唉！！！我嘅犧牲真係大咯～～～～～～ November 26 望車石今日走咗去做廣東省國際旅遊文化節，本來真係好期待今日嘎，點不知·······
唉，今日乜都冇做過，浄係係度行嚟行去，係度等啊等啊等，不斷咁係度等，等到都變咗舊望車石喇！但係都係等唔到我要負責嘅車到，就咁白白浪費咗大半日，唉！！！
早知係咁嘅話就唔去啦，唉，激死人喇！！！ November 25 無所事事日記LI幾日都幾黑仔嘅。點解？首先，啲感冒拖拖拉拉持續咗幾個星期到依加都仲未清，仲要反反覆覆，好返啲又嚴重返，唉。第二就係～～～～～呃～～～我都唔知講唔講好，覺得講咗出嚟會好淤，哈哈！都係唔講好啲喇，費事全世界都知道我嘅淤事。
尋晚仲恐怖，我竟然出唔到聲講唔到嘢，嚇死我喇。嗰時我仲上緊日文堂添嘎，想跟住Miss讀書都唔得，到我回答問題時都係講唔到，唔知咁算唔算好彩呢？因為我日文學咗兩個月但係到依加為止我都唔多識，唉！好不容易先有一題日文題係識嘅，點知又講唔到嘢，激死我啦！！！～>_<～今次日文考試都唔知點死lur···
11月25號要去做翻譯，係關于廣東身旅遊文化節嘅，真係又驚又期待。驚嘅係我做唔好翻譯li件工作（雖然係義工），因為我真係好冇方向感同地理概念嘎，到時啲人問到我口啞啞就弊傢伙咯；期待嘅係我第一做啲咁大型活動嘅翻譯，唔知會係點嘅呢？好期待丫！！！ More Poems一、
我們的問題是——我相信愛情，你不信任愛情。
我盼望永恆，你恥笑永恆。
我渴求幸福，你對幸福嗤鼻。
這樣的兩個人心如何在生命中找到重曡？
二、
我是紫色桑椹，一身紫浆是我的爱情。
靠近你，偎近你，我把紫染上你的心，只怕你染上滿身紫，學會了愛情，我已經幹涸枯萎。
三、
我是失敗的建築師，我把思念一塊塊曡上，把愛情一層層堆積，想堆出一片富麗堂皇，卻不料，我堆積、堆積、堆積······堆積出解不開的失意。
四、
太陽告訴小雨，我最愛你，讓我們用愛孕育世間生命。
清風告訴雲，我最愛你，讓我們帶着愛情去旅行。
笨笨想告訴文盲，我最愛你，不管你看不看得懂我的心情。
五、
愛情答案在哪裏？你身上還是我身上？
天不知、地不知、你不知、我不知，我只好扮演起考古者，一鏟鏟，一鍬鍬，頂着烈陽，在你的身上挖掘真心。
END、
因為妳笨——所以築不好愛情城牆。
因為妳笨——所以曡不牢婚姻房舍。
沒關繫，我在，我幫，我疼，我用愛作磚，用情當泥，一方方堆砌出堅固堡壘，要緊貼收藏妳的心。 A Good PoemToady I met one poem, I like it very much. As a result, I copy it down.
我在哪裏？在你一旋身就能踫到我的距離。
我在哪裏？在你展開雙臂就能擁抱我的地方。
我在哪裏？在你閉起眼睛就能感受到我的空間。
我就在·····你的朋友界綫之外······等你靠近。 November 17 無所事事的日子土風舞終于都結束咗喇，可以過返啲平凡嘅日子，真好！！！
經過今次土風舞我真係學到好多嘢，亦體會到平凡日子嘅幸福，哈哈！！！為咗土風舞，我忽略咗我嘅朋友，真係好對唔住佢哋！真係好感激佢哋不斷咁支持我，識到佢哋係我嘅運氣。嗯，冇錯！！！
近排真係要好好溫書啦，因為由開學到依加為止都冇認真咁上過堂，唉，好頽廢啊！！！唔得，為咗我嘅成績着想，我要認真學習啦，上堂要表現得積極啲先得，要挪啲課堂表現分先得。哈，我好奸啊！
好，我嘅新目標：好好學習，做個好學生！！！
土風舞日記！！！（之十）係最後一晚嘅排練亦即係6號晚，我知道咗好多嘢，亦都學到咗好多嘢！可以話傷心，可以話難過，可以話沮喪，亦都可以話開心！
傷心、難過、沮喪係因為li次土風舞我搞唔好，有好多問題發生咗。大傢都覺得唔開心嘅原因係因為我嘅問題，因為我做得好唔好，非常之差，另到大傢都對我産生不滿，所以工作開展得唔順利，而且多數人都覺得我態度太差喇，所以都唔妥我，唔聽我支笛，唉！好傷心！直到今時今日仲係有人話我態度差，我真係唔知應該點面對佢哋喇！或者我真係唔適合做li啲嘢掛，咩都做唔好，真係冇用啊～～～～～
至于開心係因為從li次土風舞中我真係學到好多嘢，睇到我自己嘅不足之處，自己嘅問題。原來我真係有好多問題存在嘅，只係我自己發覺得太遲同發覺唔到o者。好彩多得我嘅朋友提點我，真係好多謝佢啊！雖然有好多不愉快嘅事發生，但係我覺得我應該開心先啱，因為我學到好多人都學唔到嘅事，我應該坦然面對所有嘅事，吸取教訓！
li次活動好多人都幫咗我好多忙，真係衷心咁感激佢哋！我要忘記所有唔開心嘅事，聽日就係最後一日喇，開開心心咁將li次土風舞做出一個完滿嘅happy ending啦！
嗯，加油！！！
加油加油fighting！！！ November 06 土風舞日記！！！（之九）聽日就係亞大田嘅開幕式啦，仲浄返最後一日咋，心情又開心又緊張！終于到解放嘅日子喇，哈哈哈！！！！
今晚係最後一晚嘅彩排，而且仲唔使好似尋晚咁化哂個舞台妝嗰種，會輕鬆好多嘎！尋晚真係做到好似打仗咁，好多嘢搞嘎！
啊～～～～我尋晚坐上張整好嘅孔雀凳度影咗幾張相啊！！！哈哈哈！！好好玩！好大隻孔雀啊～～～
嗯～～～～要問返啲師姐睇下邊個影咗li啲相先得，隻孔雀好值得留念嘅！！^_^！ 土風舞日記！！！（之八）因為4號嗰晚發生嘅事，整到我尋日都唔多想做嘢。但係唔做又唔得，唉～～～～～
尋日我遲咗成粒幾鍾先到，因為真係唔想對住佢，話我小氣又好咩都好啦，反正我就係好嬲，嬲到連同佢講一句話都唔想講。佢咁中意做咪佢做哂咯，反正我都冇乜地位嘅，仲使咁積極咩？
有時我係度諗緊，我係唔係為咗li個土風舞犧牲得太多呢？整到我嘅學業停頓哂，我嘅朋友都好少聯絡我。而土風舞嗰邊又做唔好，感覺好似兩頭唔到岸，咩都做唔好咁。諗諗真係幾傷心幾沮喪嘅！
跟住落嚟究竟繼唔繼續做落去呢？我真係要好好咁諗清楚喇！我朋友講得好啱，究竟我嚟li度係為乜嘅呢？讀書？定係為做li啲咁吃力不討好嘅所謂學生活動呢？真係要諗下啦！
土風舞日記！！！（之七）其實4號嗰晚真係發生咗好多事嘎，我真係激到喊！！！又激氣又唔受人尊重，真係······
有時真係覺得我呢個部長好冇用，下面啲細嘅又唔聽我講，浄係聽我上面嗰個人講。我頂，既然係咁嘅話不如佢做埋文娛部部長啦，仲使鬼我做咩！咩都係佢決定哂，咩都係佢話乜就乜，咁我唔使做啦，做個傀儡娃娃咪得咯！由一開始接手土風舞就係咁喇，凡係打雜嗰啲嘢就我做哂，我都唔知我究竟係部長定係幹事。有時真係越諗越激氣～～～
嗰晚佢嘅態度差到我頂佢唔住，咪即刻丟低哂啲嘢走開咯，佢咁中意做佢做埋佢啦，反正我講乜都冇用嘅，仲做嚟有乜意思？大佬，我都有我嘅底綫嘎，唔係妳話乜就乜嘎！晚晚返到房仲要係度對住部電腦傻等消息，驚一個唔小心走漏啲咩風，一走漏風咁我哋就會做白工。晚晚都係咁，想訓有冇得訓，佢有冇體會過我嘎？一路以嚟都係咁樣，從來都冇顧過我嘅感受，我都係人我都有感情嘎，點解要咁對我啊？
真係唔講唔嬲，越講就越嬲！都係唔講喇，費事激親自己！！！ November 05 土風舞日記！！！（之六）尋晚因為too tired啦，所以冇寫土風舞日記。浄係趕份新嘅計劃書出嚟，不過訓晚都係趕唔到嘅，因為實在太眼訓啦！所以今朝起牀先做。當我做完去到運動場企咗冇幾耐啲dancers就跳完啦，哈哈，唔使曬！
當我哋收拾好所有嘢後我就同兩個副部Rachel & 阿好一齊去余廣慶度修改份計劃書咯。跟住就開會喇！唉，做到阿媽都唔認得仲要俾人話我慢，我頂，又唔見佢哋嚟做下睇下？浄係得把口！ |
|
|
%7eKaling%7e(*)%7eHaHa%7e(L)'s+Blog+-+Windows+Live&referrer=){kind=small}
